Skype-ի նոր տարբերակը համալրվել է մի շարք նորամուծություններով, այդ թվում՝ բարձր հստակությամբ Full HD զանգեր կատարելու հնարավորությամբ: Հաղորդում է Skype-ի պաշտոնական բլոգը:

Full HD զանգեր կատարելու համար օգտագործողները պետք է ունենան համապատասխան տեսախցիկ, ինչպես նաև 2 Մբիտ/վ ինտերնետ արագություն:

Skype ինտերնետային հեռախոսակապի ծառայությունը թողարկել է նոր բետա-տարբերակ (http://www.skype.com/intl/en/get-skype/on-your-computer/windows/beta), որը թույլ է տալիս վիդեոչաթով խոսել անմիջապես Facebook-ի ընկերների հետ՝ առանց facebook.com մտնելու:

Այս նոր ֆունկցիայից օգտվելու համար անհրաժեշտ է «իրար կցել» Skype-ի և Facebook-ի ըքաունթները (թե ինչպես անել դա, դիտեք տեսանյութում): Բացի այդ՝ Skype-ից հնարավոր կլինի տեսնել սոցցանցի ընկերների կարգավիճակներն ու հաղորդագրություններ ուղարկել նրանց:

Նշենք, որ արդեն մի քանի ամիս է, ինչ Skype-ն ու Facebook-ը համագործակցում են. Skype-ի տեխնոլոգիայի շնորհիվ սոցցանցում ներդրվել է վիդեոչաթի ֆունկցիա:

Skype ծառայությունը, որը թույլ է տալիս ինտերնետով զանգեր ու տեսազանգեր կատարել, տոնում է իր 8-ամյակը:

8 տարի առաջ Skype-ի պաշտոնական կայքում առաջին անգամ հայտնվեց ծրագրի փորձնական տարբերակը, որը նախատեսված էր միայն համակարգիչների համար: Այժմ Skype-ը հասանելի է նաև բջջայիններին, պլանշետային համակարգիչներին:

Skype ընկերությունը iOS 4.1 օպերացիոն համակարգով աշխատող սարքերի համար հավելված է թողարկել, որը թույլ է տալիս գտնել վճարովի Wi-Fi ցանցերը և դրանցից օգտվելու դիմաց վճարել Skype-կրեդիտներով: Տեղեկացնում է ընկերության պաշտոնական բլոգը:

Օգտագործողները կվճարեն միայն ինտերնետից օգտվելու րոպեների դիմաց, իսկ վճարը մեկ րոպեի դիմաց կսկսվի 0,06 դոլարից: Բլոգը գրում է, որ ողջ աշխարհով մեկ հասանելի է ավելի քան մեկ միլիոն Wi-Fi կետ: