Twitter միկրոբլոգային համակարգի օգտատերերը շուտով կկարողանան օգտվել մի նոր հետաքրքիր հնարավորությունից: Այսուհետ նրանք կարող են տպել իրենց միկրոբլոգի թվիթները զուգարանի թղթի վրա: Ծառայության անունն է Shitter, այն մշակել և ներկայացրել է ամերիկյան Collector's Edition ընկերությունը:

Պատվիրելուց որոշ ժամանակ անց օգտագործողները կստանան չորս գլանափաթեթ («ռուլոն»)՝ պատվիրած հաղորդագրություններով: Ծառայությունը հասանելի է բոլորին և արժե 35 դոլար, իսկ առաքման համար պետք է վճարել առանձին: Վճարումը հնարավոր է կատարել PayPal վիրտուալ վճարային համակարգի միջոցով:

Revo Mobile ընկերությունը սկսել է Angry Birds Space խաղի վաճառքները: Մարտի 22-ին թողարկվել է Angry Birds-ի նոր տարբերակը, որը  հասանելի է  անձնական համակարգիչների և մոբայլ սարքերի համար: Խաղի դեմո-տարբերակը կարելի է ներբեռնել այստեղից:

Microsoft ընկերությունը Վաշինգտոնի համալսարանի հետազոտողների հետ համատեղ մշակել է մի ծրագիր, որը թույլ է տալիս համակարգիչներին հասկանալ ժեստերն առանց սենսորային էկրանի, Kinect կոնտրոլերի կամ այլ հատուկ սարքերի:

Փորձագիտական ծրագիրը ստացել է SoundWave անվանումը:  Ծրագրի աշխատանքի համար անհրաժեշտ է բարձրախոս և միկրոֆոն: Այն գեներացնում է բարձր հաճախականության ձայնային ալիքներ, որոնք մարդու ականջը չի կարող լսել. այդ ալիքներն «արտացոլում» են օբյեկտները (օրինակ՝ ձեռքերը) մոտ մեկ մետր հեռավորության վրա, իսկ միկրոֆոնը ձայնագրում է դրանք:

PCWorld Labs -ի աշխատակիցները համեմատել են Windows 7-ի և Windows 8-ի բետա-տարբերակի արագագործությունը: Փորձարկման համար օգտագործվել է քառամիջուկ Intel Core i5-2500K համակարգիչ ՝ 3.3Գհց պրոցեսորով, 8ԳԲ օպերատիվ հիշողությամբ, 1ՏԲ կոշտ սկավառակով և GeForce GTX 560 T գրաֆիկական արագացուցչով:

Բեռնավորման ժամանակի փորձարկումից պարզվել է, որ Windows 8-ը 35% ավելի արագ է միանում (36.8 վ) քան 7-ը, իսկ վեբ-ռեսուրսների հետ 8-ն աշխատում է 50%-ով ավելի արագ, քան Windows 7-ը: