Apple ընկերությունն, ամենայն հավանականությամբ, պատրաստվում է թողարկել iPad-ի փոքր տարբերակը: DigiTimes-ը, հղում անելով ընկերության սարքերը հավաքող մատակարարներին, հաղորդում է, որ մինի iPad-ի էկրանի անկյունագիծը 7,85 դյույմ է: Նշենք, որ առկա մոդելների անկյունագիծը 9,7 դ. է:

Լրատվամիջոցը գրում է, որ պլանշետի այս տարբերակը կթողարկվի հաջորդ տարվա երրորդ եռամսյակում:

Cregle ընկերությունը թողարկել է iPen աքսեսուարը, որը թույլ է տալիս նկարել, գրել, գծագրեր գծել iPad պլանշետային համակարգչի վրա: Այն ունի բավական բարակ ծայր, ինչը թույլ է տալիս հստակ գծեր ստանալ:

Գրչին կից փոխանցիչի միջոցով iPen-ն ազդանշան է ուղարկում էկրանի վրա կատարած գործողությունների մասին և պատկերը հայտնվում է վայրկենապես:

iPen-ն աշխատում է հետևյալ հավելվածների հետ՝ Ghostwriter Notes, My Notebook!, iWriteWords, GoodNotes , որոնք կարելի է գտնել itunes.apple.com-ում: Նշենք, որ iPen-ն արժե 79$ (http://www.kickstarter.com/projects/1225098940/ipen-the-first-active-stylus-for-ipad?ref=category):

American Airlines-ի ստացած թույլտվության համաձայն՝ օդաչուներն արդեն ուրբաթ օրվանից կկարողանան թռիչքի ժամանակ օգտվել iPad-ից: Հաղորդում է ZDNet-ը:

American Airlines-ը սկսել է այս ծրագրի փորձարկումը հունիսին: Օդաչուների թղթերն ու չվացուցակները կփոխարինվեն ինտերակտիվ տարբերակով, մասնավորապես՝ օդաչուները կօգտագործեն JeppTC հավելվածը:

Apple iPad պլանշետային համակարգչի երրորդ տարբերակը շուկայում կհայտնվի 3-4 ամսից: Այս մասին գրում է DigiTimes-ը՝ հղում անելով մատակարար ընկերություններին: Նշենք, որ Apple-ը սովորաբար թարմացնում է իր արտադրանքները տարվա առաջին ամիսներին, ու նախորդ iPad-ը թողարկվել է ընթացիկ տարվա մարտին:

iPad 3-ի մոտալուտ թողարկման պատճառով արտադրող ընկերությունները կկրճատեն երկրորդ սերնդի պլանշետի թողարկման ծավալները՝ 14-15 մլն չորրորդ եռամսյակի և 4-5 մլն 2012-ի առաջին եռամսյակի համար: