HTC ընկերությունը շուտով պաշտոնապես կներկայացնի նոր սմարթֆոն՝ HTC Primo, որը կլինի համեմատաբար ավելի մատչելի, քան HTC Edge և HTC Ville մոդելները:

Սարքը կստանա 3,7 դյույմանոց Super AMOLED էկրան՝ պաշտպանված Gorilla Glass ապակով, երկմիջուկ 1 ԳՀ Qualcomm պրոցեսոր, 512 մբ օպերատիվ հիշողություն, 5 մպ տեսախցիկ:

HTC-ն CES 2012 ցուցահանդեսին ներկայացրել է HTC Titan II սմարթֆոնը, որն աշխատում է Windows Phone 7.5 Mango համակարգով: Այն շուտով վաճառքի դուրս կգա ԱՄՆ-ում՝ AT&T օպերատորի կողմից:

Նորույթն ունի 1,5 ԳՀց Qualcomm Snapdragon պրոցեսոր, 512 մբ օպերատիվ և 16 գբ ներքին հիշողություն: Սմարթֆոնի էկրանն ունի 4,7 դյույմանոց էկրան՝ WVGA թույլատրությամբ (480×800 կետայնություն):

ԱՄՆ-ի Միջազգային առևտրի հանձնաժողովի որոշմամբ՝  HTC-ն խախտել է Apple-ի արտոնագրերից մեկը: Խոսքը հեռախոսային համարների ու փաստաթղթերում առկա այլ ինֆորմացիայի մշակման տեխնոլոգիայի մասին է: Հաղորդում է Reuters գործակալությունը:

Ավելի վաղ Apple-ն ու HTC-ն մեղադրել էին միմյանց տարբեր արտոնագրային խախտումների մեջ: Ի սկզբանե Apple-ը ներկայացրել էր թայվանցիներին 10 արտոնագրի խախտում, որոնցից 6-ը հանվեցին դատական գործի ընթացքում:

Այսօր Վաշինգտոնի առևտրային հանձնաժողովը կպարզի՝ արդյոք HTC-ն խախտում է Apple-ի արտոնագրային իրավունքները: Եթե որոշումը կայացվի Apple-ի օգտին, հանձնաժողովը կարող է արգելել HTC հեռախոսների ներկրումն ԱՄՆ: HTC-ն իր հերթին մեղադրում է Apple-ին իր տեխնոլոգիաները յուրացնելու մեջ, սակայն դեռևս հաջողության չի հասել արտոնագրային պատերազմում: