Այսօր ավելի քան 70 երկրներում նշվում է ապահով ինտերնետի օրը: Այս տարի ապահով համացանցի օրվա առթիվ «Orange Արմենիա» ընկերությունը Մեդիակրթության կենտրոնի հետ համատեղ նախաձեռնել է «Ապահով համացանց Հայաստան 2012» լայնածավալ ծրագիրը: Միամսյա ծրագրի շրջանակներում կվերապատրաստվեն ավագ դպրոցի մոտ 300 դասավանդողներ, իսկ բաց դասին կմասնակցեն ավելի քան 5000 աշակերտներ և մանկավարժական կրթություն ստացող ուսանողներ:

2012թ. հունվարի 19-ին Բրյուսելում Եվրամիության նախաձեռնությամբ տեղեկատվական և հեռահաղորդակցության 25 ընկերությունների կողմից ստորագրվեց «Անվտանգ ինտերնետ երեխաների համար» հռչակագիր, որով ընկերություններն արտահայտում են իրենց պատրաստակամությունը ապահովել անվտանգ ինտերնետ միջավայր, հատկապես երեխաների համար: Հռչակագիրը Ֆրանս Տելեկոմ Orange-ի հետ միասին ստորագրել են այնպիսի ընկերություններ, ինչպես Google, Facebook, Deutsche Telekom, RIM, Nokia, Telecom Italia, Vodafone և այլն:

«Վիրտուալ ցանցի և իրական կյանքի կանոնները շատ նման են և դրանց հետևելը ավելի արդյունավետ կդարձնի համացանցի օգտագործումը: Տրամադրելով անսահման եւ աննախադեպ հնարավորություններ` համացանցը պարունակում է նաեւ բազմաթիվ վտանգներ` հատկապես երեխաների համար: Ավելին՝ երեխաներն ու պատանիներն իրենց ժամանակի մի զգալի մասը անցկացնում են այն վիրտուալ միջավայրում, որտեղ օգտակար բովանդակության հետ միասին կա նաև վտանգավոր բովանդակություն»,-նկատեց Մեդիակրթության կենտրոնի փոխտնօրեն Նարինե Խաչատրյանը: 

Վորլդ Վիժն Հայաստանը և Մայքրոսոֆթ ընկերությունը փետրվարի 7-ին կանցկացնեն «Բացահայտիր վիրտուալ աշխարհը.... ապահով» խորագրով միջոցառում, որը կազմակերպվում է Ապահով համացանցի միջազգային օրվա առթիվ:

Միջոցառման ընթացքում կներկայացվի «Անվտանգ Համացանց» կայքը՝ www.safeinternet.am, որը ստեղծվել է «Պահպանենք երեխաների առցանց անվտանգությունը» ծրագրի շրջանակներում:

Հունվարի 30-ին կոտրվել են շուրջ 13 հայկական կայքեր, որոնց թվում են Հայաստանի հանրապետական կուսակցության կայքը՝ hhk.am, Սլավոնական համալսարանի կայքը՝ rau.am/img/ և այլն: Ստորև ներկայացված կայքերում տեղադրված է նույն նկարը և Dr-x անունով հաքերի էլ-փոստը.

Anonymous հաքերային խմբավորումը սկսում է «Հայոց ցեղասպանություն նախաձեռնություն» (Operation Armenian Genocide) գործողությունների շարքն ընդդեմ թուրքական իշխանությունների:

Youtube-ում Anonymous-ի կողմից տարածած պաշտոնական տեսանյութում հայտնի խմբավորման անդամները հայտարարում են, որ հունվարի 25-ը հայտարարվում է նախաձեռնության սկիզբը: Anonymous-ը կոչ է անում Թուրքիայի իշխանություններին ճանաչել Հայոց ցեղասպանությունն ու պատասխանատվություն կրել իրենց գործած դաժանությունների համար: Հաղորդում է «Արմենպրեսը»: