ՎիվաՍել-ՄՏՍ-ը հայտարարում է Հայաստանում 4G/LTE առաջին ցանցի կոմերցիոն գործարկման մասին: ՎիվաՍել-ՄՏՍ-ի 4G/LTE ցանցի թողունակությունը ներբեռնման դեպքում կազմում է մինչև 150 Մբիթ/վրկ, իսկ վերբեռնման դեպքում` մինչև 50 Մբիթ/վրկ: Իրական պայմաններում, 3G տեխնոլոգիաների համեմատությամբ` 4G/LTE տեխնոլոգիան թույլ է տալիս ստանալ ներբեռնման և վերբեռնման մոտ 10 անգամ ավելի բարձր արագություն:

Նախնական շրջանում 4G/LTE ցանցը կգործի Երևանի կենտրոնում: Հետագայում տեխնոլոգիան կներդրվի Գյումրիում և Վանաձորում, ինչպես նաև այլ մարզկենտրոններում:

Բաժանորդներին առաջարկվող 4G/LTE մոդեմը տեսականորեն ապահովում է  ներբեռնման դեպքում մինչև 100 Մբիթ/վրկ, իսկ վերբեռնման դեպքում` մինչև 50 Մբիթ/վրկ արագություն:

Այսօրվանից մինչև հունվարի 10-ը Orange Խոսենք ծառայության բաժանորդները, ամեն անգամ լիցքավորելով հաշիվը 500 և ավելի դրամով, ձեռք կբերեն հնարավորություն ստանալու ամանորյա շքեղ նվեր` iPhone 4: iPhone 4 կստանա յուրաքանչյուր 25 000-րդ լիցքավորողը: Ավելին, նվեր ստացողներից նա, ում կատարած լիցքավարումների ընդհանուր գումարը կլինի ամենամեծը, կստանա ամանորյա լավագույն նվերը` Peugeot 206 Sedan ավտոմեքենա:

Բոլոր հաղթող բաժանորդները հունվարի 13-ին կհրավիրվեն Շանթ հեռուստաընկերություն` մասնակցելու ամանորյա միջոցառման, որտեղ էլ կգտնեն իրենց նվեր iPhone 4-ը, իսկ նրանցից ամենահաջողակը` նաև ավտոմեքենան:

«ԱրմենՏել» ընկերությունը (ապրանքանիշը` Beeline) հայտարարում է «Ամանորյա իրարանցում» ակցիայի անցկացման մասին, որի շրջանակում յուրաքանչյուր շաբաթ Beeline բջջային ցանցի բաժանորդները, լիցքավորելով հաշվեկշիռը, կարող են շահել նեթբուք կամ սմարթֆոն: Մինչև 2012 թ-ի հունվարի 12-ը յուրաքանչյուր շաբաթ, ակցիայում մասնակցելու համար գրանցված և հաշվեկշիռը առնվազն 1000 դրամով լիցքավորած բաժանորդները հնարավորություն են ստանում շահելու Dell Latitude 2110 երկու նեթբուքերից մեկը, կամ Beeline Blade և Beeline U8500 քսան սմարթֆոններից մեկը:

«ԱրմենՏել» ընկերությունը (ապրանքանիշը` Beeline) հայտարարում է Hi-Line ծառայության Like նոր սակագնային փաթեթների գործարկման մասին: Առաջարկից կարող են օգտվել, ինչպես նոր այնպես էլ գործող բաժանորդները: Hi-Line սակագնային փաթեթի «Like 1024», «Like 2048» և «Like 3072» ամսավճարը կազմում է համապատասխանաբար 4500 դրամ, 6000 դրամ և 8000 դրամ:

Ակցիայի շրջանակում նոր բաժանորդները կարող են միանալ Like սակագնային փաթեթին, ստանալով անվճար ADSL-մոդեմ, առանց առաջին ամսվա բաժանորդավճարի: Hi-Line ծառայության գործող բաժանորդները, որոնց պայմանագիրը չխզելու ժամկետը լրացել է, կարող են միանալ Like սակագնային փաթեթներից ցանկացածին: Ծառայության գործող բաժանորդները, որոնց պայմանգրի չխզման ժամկետը չի լրացել, վերակնքելով պայմանգիրը, կարող են միանալ ավելի բարձր արագությամբ Like սակագնային փաթեթին: Այն բաժանորդներն, ովքեր օգտվում են 3ՄԲ/վ թողունակությամբ փաթեթից, կարող են անցնել «Like 3072» փաթեթին: